حماية طفلى من التحرش

فى ظل الاحداث الاخيرة وانتشار ظاهرة التحرش بالاطفال اكيد امهات كتير فكرت ازاى احمى طفلى من التحرش

توعية و حماية الطفل من التحرش

اولاً: احترسى من التعرض المبكر للجنس :

من سن السنة ونصف تقريبا  يفضل ان الطفل ميتعرضتش لرؤية اى من الوالدين  يغير كامل ملابسه امامه , و ميتعرضتش لرؤية الوالدين فى حالة حميمية , او اى مشاهد حميمية فى الميديا

undefinedثانياً: حافظى على خصوصيته : من سن السنتين يفضل ان الطفل يبدأ يتعلم ان يعتمد على نفسه فى التغيير وان يكون ده فى مكان خاص مش قدام اى شخص غريب او قريب , وانه ممكن يطلب مساعدة من اشخاص محددة جدا

خطوات لتوعية وحماية طفلك من التحرش

(عرفيه ان جسمه خاص بيه هوفقط من خلال الاغانى واللعب (اسفل بعض الامثلة للاعاب التى يمكن استخدامها للتوعية

عرفيه ان هو فقط من حقه يقرر مين يلمسه وازاى وان من حقه يرفض اللمس او الحضن من اى شخص

احترمى رفضه حتى لو كان موجه لحد قريب او حتى لك انت لان ده هيساعد فى حماية طفلك من التحرش

علميه ان لا اسرار على بابا وماما وان لا يقبل هدايا او مال بدون علمك

:طرق التوعية لحماية طفلك من التحرش

لحرصى ان تكون جلسات التوعية دايما بسيطة وممتعة

استخدمى الاغانى والموسيقى لانها بتثبت المعلومة عنده

استخدمى جمل قصيرة وواضحة , مثال :

. مش من حق حد يأذيك

. مينفعش حد  يلمس أعضاءك الخاصة

متسمحش ان حد يصور أعضائك الخاصة 

إذا كان لديك مشكلة أخبر شخص ما

لا تكتم الأسرار إذا كان شخص ما يؤذيك أو يلمس أعضاءك الخاصة

. أخبر شخص ما إذا كنت تتعرض للترهيب

يفضل تكون التوعية بشكل ايجابى , يعنى بنثبت عند الطفل انه يقدر يتكلم لو اتعرض لحاجة واننا هنسمعه ونصدقه
وانه من حقه يدافع عن نفسه ويرفض الايذاء ويشعر بالايجابية ناحية جسده

العاب لتوعية وحماية الطفل:

لعبة اللمسة الصح واللمسة الغلط:

الادوات : شكل يد من الكرتون او البلاستيك

نعرف اولا الطفل اللمسة الصح واللمسة الغلط ( للاجزاء الخاصة  – العينين –الانف – اللمس العنيف)

نلمس الطفل باليد الكرتون فى اماكن متعددة وعليه ان يحدد اللمسة صح او غلط  ويرفض الغلط

لعبة السيناريو

حماية طفلى من التحرش

(ندرب الطفل من خلال سيناريو تمثيلى على التصرف فى حالات الايذاء او محاولة التحرش به (ارفض- اجرى- اخبر)و نعمل معه لستة بالاشخاص مصدر الامان او الثقة له لاخبارهم عند التعرض لمشكلة

لعبة الطلبات

فيها بنطلب من الطفل طلبات ويتعلم ان الطلبات المثيرة للشك او التى تشعره بعدك الارتياح يرفضها , مثال ادينى شرابك
طلب عادى) متقولش لماما ( طلب مثير للشك)

وهنا فرصة لتعليمه عن المشاعر باستخدام وشوش مرسوم عليها مختلف المشاعر , والهدف من اللعبه تعريفه ان كل الناس عندهم مشاعر مختلفة وانه مش وحيد وان من حقه ان يرفض شئ لمجرد احساسه بمشاعر سلبية او غير مريحة ناحيته مهما كان الضغط

الرسم

احيانا بيكون صعب على الطفل التعبير عن نفسه ومشاعره باستخدام الكلمات لكن من خلال الرسم وادخال ضمير ثالث ( الرسمة او عروسة) بيكون اسهل عليه التعبير … مثلا يقول العروسة زعلانة علشان المدرسة زعقتلها